Nahi Kinara Pyar ka











{May 22, 2010}  



{May 22, 2010}  



{May 22, 2010}  



{May 22, 2010}  

sochty sochty thak gya hun


intezar mein hon ik awaz do mujhy


lagaye rakho jo apne seny se


aysa koi dil ka raaz do mujhy


hai hamary dil mein veraniyoon ka sehra


ik apni dil lagi ki barsat do mujhy


kar doun younhe apni zindgi ka ehtamam


per apni zindgi ka haseen aghaz do mujhy


na bahy meri ankhon ka darya tujhy yaad kar k


baksh apni zindgi ka sath do mujhy.!!



{May 22, 2010}  

chalo ik nazm likhty hain kisi k naam likhty hain


mager ye sochna hai ab k? iss mein ziker kis ka hoo


k iss mein baat kis ki hoo k iss mein zaat kis ki hoo


or ye bhi farz karty hain k jis py nazm likhty hain


hamein us se muhabbat hai hamary sary jazboon ko bus


us ki he zarorat hai chalo ik kaam karty hain


k hum jo nazm likhty hain tumahary naam likhty hain


tum he unwan ho us ka tumahara ziker hai is mein


tumahari baat hai is mein tumahari zaat hai iss mein.!!!!!!!!!!



{May 22, 2010}  

apne honton par sajana chahta hun

a tujhe main gungunana chahta hun

koi ansu tere daman par gira kar

bund ko moti banana chahta hun

thak gaya main karte-karte yad tujh ko

ab tujhe main yad ana chahta hun

cha raha hai sari basti mein andhera

raushani ho ghar jalana chahta hun

akhri hichki tere kanon pe aye

maut bhi main shayrana chahta hun

reh gai thi kuch kami ruswaiyoun me

phir qatel is dar pe jana chahta hoon



{May 22, 2010}  

Ik Ishq Nager Ki Wadi Thi

Jahan Pyar Ki Nadiya Behti Thi


Kuch Dil Waley Bhi Rehtey They

Jo Pyar Ki Baatein Kertey They


Jab Bahar Ka Mousam Aata Tha

Aur Phool Pyar K Khiltey They


Mast Nasheeli Shamon Mein

Pyar Se Do Dil Miltey They


Ik Roz Woh Basti Ujer Gai

Aur Pyar Ki Hasti Bikher Gai


Phir Her Ik Dil Ko Sog Laga

Aur Jeevan Bhar Ka Rog Laga


Deewaney Phirtey Rehtey Hein

Aur Her Ik Se Woh Kehtey Hein


Iqrar Kisi Se Na Kerna

Pyar Kisi Se Na Kerna



{May 22, 2010}  

Meri aankhon k weera’n saahilo’n par,

In ashkon k machaltay sakht toofaa’n se,

Faqat ladnay ki bas tum ko ijazat hai.

Sanam tum ko ijazat hai….

Meray mann k iss ujday say bayaba’n main,

Gulo’n ko phir khilanay ki,

Faqat tum ko ijazat hai…

K apni khwaab raato’n main,

Meray sapnay sajanay ki,

Meri neendain churanay ki,

Ya phir shehr-e-tamanna main,

Adhori aarzoo ki ….

Koi unmit yaad bunnay ki..

Faqat tum ko ijazat hai,

K jab bhi khwahisho’n ka koi raila,

Tumhary iss khudi aur iss ana ko,

Baha k phir meri aankhon main lay aaye,

Ya phir….

Sawan ki koi ik jhadi ban kar…

Meray sookhay huay mann main…

Baras kar saaz ban jaye,

Tou phir itny guzarish hai…

K tum waapis nahin jana,

Meri inn ankhon main ya …

Iss dil main kahin tum…

Phir apni yaad k is ghar main reh laina,

Magar waapis nahin jana,

K bin teray kahin ankhain ye meri,

In ashko’n k samandar main…

Kahin nah gharq hojayen.

Ye mera dil…

Jo barson say…

Tumhary aas k badal ki khwahish main…

Adhoori aarzoo ki dhoop sehta hai…

Kahin banjar na hojaye,

Tou bas tum ko ijazat hai…

K jab bhi lautna chaho…

Tou phir…

Meri ankhon main ya…

Iss dil main kahin bhi…

Jo ik pyaara sa ghar hai…

Usi main aa k reh jana,

Magar waapis nahin jana,

Tou bas phir laut anay ki,

Kahin waapis na janay ki,

Sanam tum ko ijazat hai…

Faqat tum ko ijazat hai!!!



{May 17, 2010}  



{May 17, 2010}  



et cetera