Nahi Kinara Pyar ka











{October 30, 2010}  

Maloom hai is deewane ki manzil nahi hai koi
Phir bhi safar karte rehna kaisa lagta hai
Woh too aa kar bhi kab kay jaa chukay hain
Phir bhi uska intezaar karte rehna kaisa lagta hain…



{October 30, 2010}  

Shikva nahi khuda se koi,
bas shikayat hai to us yaar se,
kuch bhi na kaha,kuch bhi na suna,
nazro se kah gaya vo kuch pyaar se,
andaz-e-bayan is kadar tha unka,
ki soye nahi ham,na jane kitni raat se,
dua hai ab yahi,ki mil jaaye vo kahi,
aur ishq shuru ho kisi meethi takrar se….



{October 30, 2010}  

Din ka ujala hai,par raat abhi baaki hai,
unke izhar-e-mohabbat ki baat abhi baki hai,
vo hotho pe mere,unki ungliyon ka aana,
aur izhar karte-karte unka ynu ruk jana,
vo jism me mere unki rooh abhi baki hai,
intzar ki hadd kya hogi puri zindgi abhi baki hai…..



{October 30, 2010}  

Piyaar kisey tum kahtey to

Kamosh Zabaan Ke Lafzon Mein
Kuch Posheeda Si Baatein Hai
In Posheeda Si Baaton Mein
Kuch Chahat Ki Barsaatein Hain
In Baaton Ko Hum Muddat Se
Seenay Mein Chhupaye Bethey Hain
Kuch Paaye Bina Kuch Kho Dena
Ye Piyaar Mein Ham Ne Seekha Hai
Sooraj Mein, Chand Sitaron Mein
Har Shai Main Tumhi Ko Dekha Hai
Dharkan Mein Bhi Naghma Ban Kar
Saagar Ki Tarah Tum Behtey Ho
Ye Piyaar Nahi To Tumhi Kaho…
Phir Piyaar Kisey Tum Kehtey Ho?



{October 30, 2010}  

main saahil pay likhee hoee ibaarat nahee
jo lehron se mit jaati hay

main baarish ki barasti bond nahee
jo baras ker tham jaati hai

main khwab nahee
jisey dekha aur bhula diya

main hawa ka jhonka nahee
jo aaya aur guzar gaya

main chand bhi nahee
jo raat ke baad dhal jaaye

main to woh ahsaas hoon
jo tuj main lahoo ban kar gardish karay

main to woh rang hoon
jo teray dil pay charay to kabhi na mitay

main woh geet hoon
jo teray labon se juda na hoga

main to woh parwaana hoon
jo jalta rahayga magar fana na ho ga

khwab, ibaarat, hawa ki tarah
chand, boond, shama ki tarah

meray mitnay ka sawaal nahee
kyun key main to Mohabbat Hoon

aur Mohabbat koi sawaal nahee……!



{October 30, 2010}  

Wo baat baat main itna badalta jaata hai,
K jis tarah koi waada badalta jaata hai,

Ye aarzoo thi k hum us k saath saath chalen,
Magar wo shaqs to rasta badalta jaata hai,

Jo taiz dhoop main sar par raha wahi aanchal,
Hawa chali hai to kitna badalta jaata hai,

Rutain wisaal ki ab khwaab hone waali hain,
K us ki baat ka lehja badalta jaata hai,

Woh baat ker jise dunia bhi moattaber samjhe,
Tujhe khabar hai zamana badalta jaata hai,

Ye aarzoo thi k hum us k saath saath chalen,
Magar wo shaqs to rasta badalta jaata hai…!!!



{October 30, 2010}  

Main Sab Se Nadaan; Sab Se Bh0lii.. !!

Iss DuniYaa Mein Jabb Aai Main…
Main Khud Se Pocha Kartii Thii…
Main Kahan Se Aai Kon Hoon Main…

Main Sab Se Nadaan; Sab Se Bh0lii.. !!

Chup Chap Sii Phirtii Rehtii Thii…
Main Khud Se Batain Kartii Thii…
Khud Se Hii Lartii Jhagartii Thii…
Main Khud Se Batain Kartii Thii…

Main Sab Se Nadaan; Sab Se Bh0lii.. !!

Anjaan Sii viraan Rahoon Mein…
Main Yoohi Phirtii Rehtii Thii…
Main Khud Se Pochti Rehtii Thii…
Main Kahan Se Aai Kon Hoon Main…

Main Sab Se Nadaan; Sab Se Bh0lii.. !!

Phir Viraan Inn Rahoon Mein…
Roshanii Ka Aik Farishta Aya Tha…
Mein Uss Se Pochtii Rehtii Thii…
Kahan Se Aye Kon Ho Tum…

Tum Sab Se Nadaan; Sab Se Bh0lay.. !!

Vo Mujh Se Milnay Ata Tha…
Mujh Ko Vo Ye Batata Tha…

Tum Sab Se achii; Sab Se Suchii .. !!
Tum Sab Se Nadaan; Sab Se Bh0lii.. !!

Mujh Ko Vo Bataain Batata Tha…
Mujh Ko Vo Jeena Sikhata Tha…
Main Uss Mein Khud Ko Patii Thii…

Main Sab Se Nadaan; Sab Se Bh0lii.. !!

Phir Roshnii Mein Yoon Andheera Chaya…
Na Vo Mujh Se Milnay Aya…
Aab Main Rooz Usaay Yaad Kartii Hoon…
Aur Pehroon Sochtii Rehtii Hoon…

Tumharay Beghair …

Aab…

Kiya Aur Kon Hoon Main .. !!

Main Sab Se Nadaan; Sab Se Bh0lii.. !!

by ~ GuRiYa ~



{October 27, 2010}  



{October 14, 2010}  

Chalne ka hosla nahin, rukna mahaal ker diya…!!
Ishq k is safar ne toa mujhko nidhaal ker diya…!!

Aye meri gull zamee’n tujhe chah thi ik kitaab ki…!!
Ehl-e-kitaab ney magar kya tera haal ker diya…!!

Miltey huwe dilon ke beech aur the faisla koi….!!!
Usne magar bicharte waqt aur sawal ker diya…!!

Ab ke hawa ke saath hai daman-e-yaar muntazir…..!!!
Bano-e-shab ke haath main rakhna sanmbhal ker diya…!!

Mumkin’a fais’loon main ek, hijr ka faisla bhi tha………
Humne to ek baat ki, usne kamaal ker diya….!!!!

Mere labon pe mohar thi, permeray sheesha roo ne toa..!!
Sheher ke sheher ko mera waqif-e-haal ker diya…!!

Chehra-O-naam ek saath aaj na yaad aa sake…..
Waqt ne kis shabeeh ko khuwab-o-khayal ker diya..!!!

Mudda’ton baad usne aaj mujhse koi gila kiya….!!!
Mansab-e-dilbari peh kya mujh ko bahaal ker diya..????



{October 14, 2010}  

Aitbaar Tootay Tou
Wo Bhi Aisay Logon Par
Jin Ko Apna Ham Janain
Jab Bhi Gham Say Bhojhal Hon
Un Ko Mahraba’n Manain
…Aitbaar Totay Tou
Aisay Zakhm Miltay Hain
Jo Kabhi Nahi Bhartay
Mahraban Sayee Jab
Ham Say Rooth Jayen To

Aisii Dhoop Miltii Hay
Jis Main Rooh Jalti Hay
Aitbaar Tootay Tou
Dil K Aainay Jo Hain
Wo Bhi Toot Jatay Hain
Wo Jo Aks Apnay Hon
Wo Bhi Rooth Jatay Hain
Aitbaar Tootay Tou
Aisay Zakhm Miltay Hain
Aisee Dhoop Milti Hay
Aisay Aks Khotay Hain
Loog Hans Bhi Lain Shayad
Dil Hamaisha Rotay Hain
Aitbaar Tootay Tou’…!



et cetera